Competicións — Aurias

Principais

Autonómica Feminina

Olimpíada Matemática Feminina Galega

Olimpíada exclusiva para rapazas de ensino secundario de Galicia, creada desde Aurias en 2025.

A Olimpíada Matemática Feminina Galega (OMFG) nace desde Aurias en 2025 como resposta á baixa presenza de mulleres en competicións matemáticas. Dirixida exclusivamente a rapazas de ensino secundario de Galicia, busca crear un espazo propio onde as participantes poidan demostrar o seu talento e medrar como matemáticas.

Nesta proba selecciónase á participante galega na Olimpíada Feminina Española de Matemáticas (OFEM).

Galería — OMFG 2026

Autonómica

Olimpíada Matemática Galega

Fase autonómica da Olimpíada Matemática Española para estudantes de secundaria en Galicia.

A Olimpíada Matemática Galega é a fase autonómica da Olimpíada Matemática Española (OME), organizada pola Real Sociedad Matemática Española (RSME) en colaboración coa Universidade de Santiago de Compostela. Participan estudantes de secundaria de toda Galicia e selecciónanse ata tres estudantes para representar a Galicia na fase nacional.

Galería — OMG 2026

USC Vídeo

Explícoche Matemáticas 2.0

Concurso de divulgación matemática en vídeo para alumnado de 3º e 4º da ESO, Bacharelato e Ciclos de FP.

Explícoche Matemáticas 2.0 é un concurso organizado pola Universidade de Santiago de Compostela no que os participantes deben presentar un vídeo de divulgación matemática. Diríxese ao alumnado de 3º e 4º da ESO, Bacharelato e Ciclos de Formación Profesional.

Outras

Nacional

Olimpíada Matemática Española

Competición nacional organizada pola RSME. Clasifica para olimpiadas internacionais.

A Olimpíada Matemática Española é a competición nacional de referencia, organizada pola Real Sociedad Matemática Española (RSME). Selecciona aos mellores estudantes de secundaria de España para representar ao país en olimpiadas internacionais como a IMO (International Mathematical Olympiad).

Nacional Feminina

Olimpíada Feminina Española de Matemáticas

Competición nacional da RSME exclusiva para alumnas.

A Olimpíada Feminina Española de Matemáticas (OFEM) é a competición nacional de estudantes de secundaria exclusiva para alumnas. Está organizada pola Real Sociedad Matemática Española (RSME). Desde 2025, a representante galega na OFEM selecciónase a través da Olimpíada Matemática Feminina Galega (OMFG).

Galería — OFEM 2025

Galería — OFEM 2026

Nacional Estatística

Estadística Sin Censura (ESC)

Concurso do INE sobre estatística e análise de datos.

Estadística Sin Censura é unha iniciativa promovida pola Oficina europea de Estatística, Eurostat, e polos institutos de Estatística de varios países europeos. En España, o concurso é organizado polo Instituto Nacional de Estadística (INE) e a Sociedad de Estadística, investigación Operativa y Ciencia de Datos (SEIO), para estudantes de secundaria, bacharelato e ciclos formativos. Os equipos participantes deben demostrar os seus coñecementos sobre estatísitca e as súas habilidades para analizar e interpretar datos reais.

Internacional Feminina

European Girls' Mathematical Olympiad (EGMO)

Olimpíada internacional de matemáticas exclusiva para rapazas.

A European Girls' Mathematical Olympiad (EGMO) é a maior competición de matemáticas exclusiva para alumnas de secundaria. Celébrase anualmente nun país europeo diferente e nela participan arredor de 60 países e 250 alumnas. España participa cada ano cunha selección nacional.

USC Vídeo

Petiscos de ciencia

Concurso da USC de divulgación científica en lingua galega para estudantes de secundaria e bacharelato.

Petiscos de ciencia é un concurso organizado polo Área de Normalización Lingüística da USC no que estudantes de secundaria, bacharelato e formación profesional crean contidos de divulgación en galego. Os interesados deben elaborar e presentar un vídeo que explique un tema científico e que dure entre 30 e 90 segundos.

Internacional

International Youth Math Challenge (IYMC)

Competición internacional de matemáticas en liña, aberta a estudantes de todo o mundo.

O International Youth Math Challenge (IYMC) é un concurso internacional de matemáticas en liña aberto a estudantes de secundaria e universidade de todos os países. Desenvólvese en varias fases: unha clasificatoria de acceso libre e rondas finais para os mellores clasificados.

Autonómica AGAPEMA

Olimpíada Matemática de 2º da ESO

Competición de matemáticas organizada por AGAPEMA para estudantes de 2º da ESO de Galicia.

Olimpíada de matemáticas organizada pola Asociación Galega de Profesores de Educación Matemática (AGAPEMA) especificamente para estudantes de 2º da ESO de Galicia. É unha boa oportunidade para iniciarse nas competicións matemáticas.

Autonómica AGAPEMA

Matemáticas na raia

Competición por equipos organizada por AGAPEMA para estudantes galegos de 3º da ESO e de 9º ano en Portugal.

Matemáticas na raia é un concurso de resolución de problemas matemáticos por equipos pola Asociación Galega de Profesores de Educación Matemática (AGAPEMA). Os participantes compiten resolvendo problemas matemáticos en colaboración, promovendo o traballo en equipo.

Autonómica Ciencia

Galiciencia

Feira de ciencia e tecnoloxía de Galicia para estudantes de secundaria e bacharelato.

Galiciencia é a feira científica máis grande de Galicia. Está aberta a todos os públicos, pero especialmente dirixida a estudantes de primaria, secundaria, bacharelato e formación profesional. Os interesados poden presentar un proxecto de investigación relacionado coas Ciencias Experimentais ou as Ciencias Sociais empregando o método científico, que será avaliado por un xurado de expertos.